Пред иконой Пресвятой Богородицы «Теребовлянская» молятся о даровании русской земле покоя от распрей и смут.
В наши дни Теребовлянская святыня находится в Свято-Юрском кафедральном соборе в боковом киоте в левомнефе.
В 1983 году в православном Львовском кафедральном соборе был торжественно отпразднован юбилей 300-летия перенесения чудотворной Теребовлянской иконы Божией Матери из города Теребовли во град Львов.
В августе 1990 Львовский Юрский собор был захвачен униатами (т.н. «Украинская греко-католическая церковь»).
В соответствии с рапортом архиепископа Львовского Августина, Священный Синод Украинской Православной Церкви на заседании 25 марта 2009 года установил местное празднование Теребовлянской иконы Божией Матери во Львовской епархии в первое воскресенье октября.
Молитва ко Пресвятой Богородице пред Ее иконою «Теребовлянская»
Пренепорочная Госпоже, небесе и земли Царице, Пречистая Дево Богородице! Смиренно припадая молюся Тебе: помози ми, едина многомощная Владычице, единому грешному, приими недостойное мое моление, и принеси Единородному Твоему Сыну, Богу моему, яко да милостив будет страстней и скорбней души моей; сам бо за множество беззаконий моих не смею простертися и просити прощения, но Тебе предлагаю Ходатаицу и теплую Молитвенницу, яко Матернее к рождшемуся из Тебе Богу имаши дерзновение, и ничтоже Тебе невозможно, аще точию восхощеши. Не презри моих слез, не возгнушайся воздыхания моего, не отрини сердечныя моея болезни, оживи умерщвеннаго мя страстьми. Свет Невечерний возсиявшая нам, душу мою, омраченную злодеяньми просвети; Врача рождшая, уврачуй души моея неисцельныя язвы, волнующагося житейскою бурею, на стезю мя покаяния направи. Приими, Госпоже Всемилостивая, молебную сию службу мою, и человеколюбивому Богу принеси. О прекрасная палата Владычня, сотвори мя дом Божественнаго Духа; Светоносная Сене Небесная, духовную благодать во мне грешнем направи. Руце мои недостойныя воздеваю, и сердце и устне скверныя ко хвалению Тебе, Всенепорочная, исправляю, да душетленных мя пакостей избавиши. Всякия нечистыя помыслы от сердца моего отжени, язык мой полезная глаголати исправи, очесем моим подаждь слезы, на омытие скверны греховныя, нозе мои устрой непреткновенно к деланию заповедей Божественных ходити, руце мои соделай к Вышнему на воздеяние благоприятное, слух мой отверзи ко усердному слышанию заповедей Божественнаго Евангелия, яко да и творити я возмогу, Тобою, Всесильная Царице, укрепляемь. И подаждь ми время покаяния, и от внезапныя смерти свободи мя. На кончине же предстани ми, Всемилостивая Мати, в разлучении души от страстнаго моего тела, от воздушных мытарей и князей темных изимающи мя, и рукописание многих грехов моих раздирающи, одесную же блаженнаго стояния на страшнем суде сподоби мя. Ты свет омраченнаго ума моего, Ты утешение души моей, Ты упокоение спасения моего, Ты едина непостыдная предстательница к Богу. Егоже милостива мне сотвори, Владычице, и присносущных благ наследника яви мя в будущей жизни, идеже есть всех веселящихся жилище. Яко да и тамо Тя, Премилостивая Молитвеннице, сподоблюся величати, и славити великолепое имя Сына Твоего, Христа Спасителя и Бога нашего, со Безначальным Его Отцем, и Всесвятым и Благим и Животворящим Духом, во веки веков. Аминь.